قصيده رئاء لشهداء سيده النجاة

(( ولكم ليش )) قصيدة على الهجمة التي تعرضت لها كنيسة النجاة

ولكم ليش تهجمون على الكنيسة
مو هــاي بيــت الله يا انذال


يا عقيدة هاي التقبل جرمكم
انعل ابوها وانعل ابو هيـچ رجال

مو حتى اليعبد الصنم ما يسويها
يخاف تطلع بيه حوبة التمثال

شلون تكتلون اليخدمون الله
مو ذولة لسانهم غير المحبة ما گـال

و شلون تكتلون الناس ال تصلي
والامهات تصيح يمة ويانا اطفال


ولكم مو ذولة چـانوا يصلون للعراق
حتى يصفى و يخلص الاحتلال


ولكم ليش مو احنا هم عراقين
ونحب الوطن من الجنوب لشمال

يعني چـيف احنا طيبين
هيجي يصير بينا الحال

مسيحين احنا ويبقى الصليب رايتنا
وما يكسرنا موقف ولا يهزنا زلزال

وبعون الله تبقى ادگ النواقيس
وقداس الاحد يحميني من كل دجال

تـگـطعون ادينا تـگـطعون رجلينا
عن الكنيسة ما نـگـطع الوصال

انعل ابو الارهاب والجاب الارهاب
وانعل ابو الوهمنا بالاستقلال

وبعد منريد حكومة تحمينا
لان حـچـيها چـذب وفعلها خيال

الضعيف ألة الله القوي
هو اليسترة من غدر الانذال

وعلى فكرة احنا الموت ما يهمنا
حتى لو صار دمنا شلال

والدليل دم سميل و دم الكنائس
هاي كلها صور لشهدائنا الابطال


و اللي يموت باسم المسيح حي
واحنا من بعدة لا روح تهمنا ولا مال

تحياتي للمبدع كاتب القصيده...

الله يسمع منك ويتقبل دعاء الالاف من العراقيين
مشكور على المرور
تحياتي..

امين يارب الله يسمع منك _
مشكور على مرورك...